Mtuhumiwa wa Escrow afutiwa mashtaka ,kesi hiyo ambayo bado ilikuwa katika hatua za upelelezi.

Dar es Salaam. Mkurugenzi wa Mashtaka (DPP) ameamua kuiondoa mahakamani kesi ya Akaunti ya Tegeta Escrow iliyokuwa ikimkabili Mhandisi Mkuu wa Wakala wa Nishati Vijijini (Rea), Theophillo Bwakea.


Bwakea alikuwa akikabiliwa na kesi hiyo katika Mahakama ya Hakimu Mkazi Kisutu, akidaiwa kupokea Sh161,700,000 kutoka kwa Mkurugenzi wa Kampuni ya VIP Engeneering & Marketing ambaye pia alikuwa Mkurugenzi wa kampuni ya kufua umeme ya Independent Power Tanzania Ltd (IPTL), James Rugemalira.

Jana, Bwakea aliachiwa huru baada ya DPP kuamua kuiondoa mahakamani kesi hiyo ambayo bado ilikuwa katika hatua za upelelezi.