Waziri Nchemba aagiza kukamatwa madereva wanaoacha miti na mawe barabarani

Waziri wa mambo ya ndani, Mwigulu Nchemba ameliagiza jeshi la polisi kitengo cha usalama barabarani kuwakamata na kuwafikisha kwenye vyombo vya sheria mara moja madereva wanaotengeneza magari barabarani kwa kuweka vizuizi vya mawe au matawi ya miti na kuondoka na kuendelea na safari huku wakiviacha vizuizi vikiendelea kuwapo barabarani


Akitoa agizo hilo kwenye kikao cha 38 cha Bodi ya barabara Mkoa wa Singida, Waziri Nchemba ambaye pia ni mbunge wa jimbo la Iramba Magharibi, amebainisha kwamba agizo hilo linalenga kutengeneza nidhamu ya matumizi ya barabara pamoja na kuepusha ajali zisizokuwa na ulazima wowote.