RC Singida amaliza mgogoro wa makao makuu ya wilaya

                             ILONGERO NDIO MAKAO MAKUU YA WILAYA

Serikali ya mkoa wa Singida imetatua mgogoro wa makao makuu ya Halmashauri ya wilaya ya Singida.
Akizungumza katika mkutano wa hadhara mapema leo katika mji mdogo wa Ilongero mkuu wa mkoa wa Singida Eng. Mathew Mtigumwe amesema kwamba makao makuu ya wilaya yatajengwa katika kijiji cha Ilongero kata ya Ilongero kama ilivyopitishwa na vikao halali vya wilaya na mkoa.

Mgogoro huu ulitokana na uamuzi wa Baraza La madiwani Halmashauri ya wilaya ya Singida wa tarehe 28 /10 /2016 kupitisha azimio la kujenga makao makuu ya wilaya katika kijiji cha Kinyamwambo kata ya Merya katika Mazingira ya ghiliba, rushwa, hujuma na mizengwe kukidhi matakwa ya viongozi wachache

Hata hivyo mkuu wa mkoa wa Singida ameeleza kwamba watu wachache wenye masilahi binafsi hawawezi kubadilisha maamuzi ya wananchi walio wengi na ametoa Agizo kwa viongozi wa Halmashauri waanze kuhamia Ilongero kuanzia Sasa na ametoa muda wa miezi 6 mchakato wa kuhamia Ilongero uwe umekamilika.

Ushindi huu unatokana na Kamati Maalum iliyoundwa kwa niaba ya wananchi wa Singida kaskazini kuandaa pingamizi lenye hoja za msingi kupinga uamuzi wa Baraza La madiwani kupeleka makao makuu ya wilaya katika kijiji cha Kinyamwambo kata ya Merya ambapo Kamati Maalum iliwasilisha pingamizi kwa mkuu wa mkoa Mnamo tarehe 21/11 /2016.
wanaohujumu wananchi wa Singida kaskazini kwa masilahi yao binafsi wanafahamika kwa majina na kwa mbinu zao.


MAJIPU HAYA YATUMBULIWE HARAKA