Mkurugenzi wa Jiji la Arusha Kihamia avuruga kikao cha baraza la Madiwani

TAARIFA KWA UMMA

Leo Ijumaa 18.11.2016 Baraza la madiwani wa Jiji la Arusha limekutana katika kikao chake Maalum. Kikao kilikuwa na ajenda moja tu “Mikataba ya upangaji wa maduka ya Halimashauri”.Baada ya mwenyekiti kufungua kikao Hoja ilitolewa kuwa KATIBU TAWALA WA WILAYA sio mjumbe wa Baraza na kwa kuwa ni baraza maalum atoke nje,hoja iliyoungwa mkono na wajumbe wengi hivyo Mwenyekiti wa kikao kumtaka KATIBU TAWALA WILAYA Ndg Devid Mwakiposa atoke nje,na yeye kuheshimu na kutoka nje kisha kikao kiliendelea


Kikao kiliendelea kujadili maazimio moja moja kama ilivyopendekezwa na Kamati ya fedha na Utawala.Azimio namba tatu lililohusu hatma ya wapangaji walio ndani,wenye leseni na ambao wanaendelea na biashara ilijadiliwa kwa muda mrefu,na wajumbe wengi waliafiki kuwa Wapangaji wapewe mkataba wa mwaka mmoja utakaoisha Juni 30 mwaka 2017,kwa bei iliyopo na mwaka wa fedha 2016/17 ukianza bei mpya na mikataba ya miaka mitano itasainiwa,kwa kushirikisha wadau wote na kwa mujibu wa sheria za nchi

Wakati mjadala ukiendelea Mkurugenzi wa Jiji Ndg Athumani Kihamia aliingilia mjadala kinyume cha sheria na kutamka kuwa kamwe hatosaini mikataba, na akaamuru watumishi wote watoke nje ya Kikao na hivyo kuvuruga kikao na kikao kuvunjika

1.Mkurugenzi wa Jiji amekiuka sheria,kanuni na taratibu kwa kuvuruga na kuvunja kikao ambacho kimeanza na kimefika ajenda(Hoja) ya tatu.

2.Mkurugenzi wa Jiji amekiuka sheria na kanuni kwa kutaka kikao kijadili hoja ambayo ni kinyume cha sheria ya serikali za mitaa mamlaka za miji 8 ya mwaka 1982 “Hakuna shughuli yoyote itakayojadiliwa katika mkutano maalum wa Halmashauri isipokuwa ile tu iliyoelezwa kwenye taarifa ya kuitishwa kwa mkutano huo”.

Kutokana na matendo haya ya ukiukwaji wa taratibu kanuni na Sheria Mkurugenzi Baraza limeamua yafuatayo,

Kuwa Mkurugenzi wa Jiji Bwana Kihamia amevuruga kikao mwenyewe ambacho ameshiriki tangu mwanzo wa maandalizi yake ambayo yamegharimu fedha ambazo ni kodi za wananchi wa Arusha,hivyo BARAZA limeamua kuwa gharama za Baraza maalum la Tarehe 18.11.2016 Mkurugenzi wa Jiji la Arusha atazilipa yeye ndg Athuman Kihamia,hii ni kwa kuwa yeye ndg Athumani Kihamia ndie aliyevuruga kikao kwa maslahi yake binafsi

Kuwa maamuzi ya Baraza yataendelea kubaki,na kuwa Wafanyabiashara waliopo ndani na ambao ndio wenye leseni ndio wafanyabiashara Halali

Baraza linawataka wafanyabiashara wote Stend Ndogo,Soko la Kilombero,Soko Kuu,Soko la Kijenge,Stend Kuu na maeneo mengine ya biashara yanayomilikiwa na Halimashauri kuendelea kulipa kodi ya Pango kwenye akaunti ya Halimashauri na kamwe si kwa MADALALI ambao kimsingi hawatambuliki kisheria na wala hawana UHALALI wa kisheria,

Wapangaji wote waliomo ndani waendelee kutunza vyumba vya HALMASHAURI hadi watakapopata maelekezo mengine kutoka Halimashauri(Baraza)

Baraza la madiwani linawaonya vikali MADALALI wa vyumba vya Halmashauri na kuwa hawaruhusiwi kuwasumbua wapangaji,na hatua kali za kisheria zitachukuliwa kwa yeyote atakayewasumbua wapangaji